Գարուն

Դու մուսան էս բացվող գարնան, 

Արևի պես, 

Սիրավեպը կյանքիս անվան, 

Պատմում եմ քեզ: 

Լույսը ձնձաղիկի նման 

Հույս է կարծես,

Գարնան հետ ես ունեմ պայման, 

Փնտրում եմ քեզ: 

Ճնճղուկները գարունն են տոնում, 

Մի ծլվլո՜ց է թառել ծառերին, 

Անհոգ դայլայլող տերևներ որպես, 

Դեռ չբողբոջած ծառի շիվերին: 

Ժամանակը բաղձանք նյութող, 

Կուռ հանելուք, 

Հեռուներից ինձ միշտ կանչող

Մոտիկ շշուկ: 

Ու գարուն է, խելառ գարուն, 

Արարություն, 

Իմ երազը հալհլվող ձյուն, 

Հին պատմություն ։

Ճնճղուկները գարունն են տոնում, 

Մի ծլվլո՜ց է թառել ծառերին, 

Անհոգ դայլայլող տերևներ որպես, 

 Դեռ չբողբոջած ծառի շիվերին